أنت حر ما لم تضر عشب الجنسج Panax Ginseng الجنسنج او باناكس Panax | ِAlmelhem

أفضل موقع عربي في جودة المحتوى ودقة المعلومة

00

آخر الأخبار

عشب الجنسج Panax Ginseng الجنسنج او باناكس Panax

بتاريخ 12:31 م بواسطة ADMIN


عشب الجنسج Panax Ginseng الجنسنج او باناكس Panax

نوع من الاعشاب بينقسم لاحدى عشرة عائله , وهو عموما عشب نموه بطئ لكنه معمر وبجذور ملحمه fleshy . عيله "ارالياسي Araliaceae" بتنمو في شمال الكرة الارضيه زي شرق اسيا ( شمال الصين , كوريا وشرق سيبريا ) في مناطق بارده .

النوع اللي اكتشف فى فيتنام اسمه Panax vietnamensis . وعموما الصفحه دي هتركز علي اهم الانواع بتاعه الجنسنج وهما Panax Ginseng و Panax quinquefolius واللي بيتميزوا بوجود مواد الجنسنوسايدس ginsenosides.

الجنسج السيبيري Siberian ginseng اسمه (Eleutherococcus senticosus) ودا متسمي جنسج كحيله للدعايا لان جذره خشبي مش ملحم وايضا لا يوجد فيه جنسنوسايدس ginsenosides.

التسميه
كلمه جنسنج الانجليزيه جايه من كلمه («رين شين» او «جن شين» jên shên) الصينيه (rénshēn (صينى متبسط: 人参; صينى تقليدى: 人蔘) واللي معناها "جذر الراجل" والتسميه دي سببها ان فروعها شبه رجل الرجاله .

اما كلمه باناكس فمعناها " الشفا كله " باليوناني ودا كان بسبب ان عالم النباتات والدكتور اليوناني Carl von Linné ( باليوناني : Carl Linnaeus ) خد باله من الاستخدام الواسع للعشب ده في الصين كباسط للعضلات .

الطب الشعبي

طبق شوربه الجنسنج مع الفراخجذور الجنسنج الامريكي والصيني الاتنين بيتاخدوا بالبؤ كمقويات بتدي طاقه للجسم او مقويات جنسيه ( محتاجه مصدر ) وكمان في علاج الضعف الجنسي عند النوع التاني من مرضي السكر ( اللي مش بياخدوا انسولين ) . العشب غالبن بيتوافر مجفف سواء عشب كامل او متقطع ولان الاوراق سعرها مش غالي فساعات بيحطوها مجففه هيا كمان مع الجذور .

ساعات بيتخلط مع المشروبات اللي بتصحصح زي الشاي او مع الماكولات اللي بتدي طاقه . وبيكون غالبن بتركيزات قليله ومفيش اي تأثير طبي . كمان ساعات بيحطوه في منتجات التجميل وبرضه مبيكونش له تأثير طبي لان التركيز مبيكونش مؤثر .

في اكله اسمها Samgyetang (شوربه الفراخ مع الجنسنج) وهيا عباره عن فراخ مع شوربه محطوط فيها الجنسنج.

الطب الجديد
من الصعب اننا نعرف من خلال العلم الفوايد بتاعه الجنسنج

ودا بسبب انه فيه نتايج متضاربه من كذا دراسه . وخصوصا بسبب انه فيه انواع مختلفه من العشب استخدمت فيها.عشان كده نادر اننا نلاقي دراسه بجوده عاليه معتمد عليها .

لكنه عموما بيتسوق كمقوي ( بيدي طاقه ويساعد الانسان انه يقاوم الاجهاد الارهاق ) . وفيه بعض المعلومات المدعومه بتقول انه له تاثيرات مضاده للسرطان وللاكسده ( مضاد الاكسده بيحمي الجسم من مواد ممكن تسبب سرطان ) , بالرغم ان الدراسات اللي اتعملت علي الحيوانات لقياس طول العمر والصحه مع وجود الاجهاد كانت نتايجها سلبيه .

لكن فيه دراسه مش دقيقه في جامعه المكسيك قالت انه الجنسنج كغذا ممكن يحسن الصحه والحياه . دراسه تانيه لعلما اسيويين قالت ان الجنسج كان له تاثير في تخفيف اثار السرطان في الحيوانات لكن لحد دلوقتي التاثير متوضحش في البني ادميين .

دراسه مهمه سنه 2002 في كليه الطب جامعه الينوي واللي اتعملت علي الحيوانات وقالت ان الجنسنج الامريكي والصيني الاتنين بيزودوا الرغبه الجنسيه مع الاداء , والاهم ان التاثير ده مش راجع لتغيير في الهرمونات ولكن بتاثير مباشر من الجنسنج او مواد جنسنوسايدس ginsenosides علي الجهاز العصبي المركزي و الانسجه اللي ف مناطق جنسيه gonadal tissues. كمان جنسنوسايدس بتسهل الانتصاب والكلام ده متفق مع الطب الشعبي الصيني والامريكي . كمان فيه دراسه قالت ان الجنسنج فيه هرمونات انثويه نباتيه phytoestrogens.

الاثار الجانبيه
تبعن ل الاسئله المتكرره بتاعه الغذا الرياضي و اللي اتنشرت ب UMass Amherst ان اشهر عرض جانبي مع الباناكس جنسنج هو صعوبه النوم او عدم القدره علي النوم . الاثار التانيه زي غمامان النفس , الاسهال , الاحساس بالقدره والانبساط euphoria , الصداع , نزيف المناخير epistaxis , علو الضغط او وطيانه , وجع في الثدي mastalgia

الجرعه الزياده
نوعين الجنسنج المشهورين واللي بنتكلم عليهم (P. ginseng و P. quinquefolia) مفيش خوف منهم حتي لو بجرعه شويه عاليه . في الطب الشعبي الصيني بيخافوا يعطوا الجنسنج مع اي عشب تاني من مضادات العدوي الا للضروره , والاعتقاد السايد هناك ان الميكروب ممكن يتقوي ويبقي شيطان يقضي علي البني ادم .

الانواع
الجنسنج الامريكي :جذور Panax quinquefolius

الجنسنج الكوري (للبيع في سيئول)انتاجه في امريكا وكندا وبيتسعر غالبن في الصين . اغلب العلب بتاخد اللون الاحمر او الابيض او الازرق بالوان علم امريكا وبريطانيا . وتبعن للطب الشعبي الصيني واللي بيعتقدوا ان الجنسنج الامريكي بيعمل تبريد للجسم من الشهوه للستات خصوصا (الين) (Yin) وحسب اعتقادهم برضو ان الجنسنج الشرق اسيوي بيزود الشهوه ويسخن الراجل(اليان)(Yan) والاعتقاد ده شايع هناك لانهم بيعتقدوا ان اي حاجه بتطلع في اماكن بارده او في شمال الجبال او في جنوب الانهار بتزود شهوه الجسم (Yan) , والعكس صحيح . الجنسنج الصيني/الكوري اللي بيطلع في شمال شرق الصين وكوريا واللي بيطلع في الاماكن البارده دي معروف لاغلب الكوريين في الطب الشعبي وعارفين عنه انه بيزود اليان (سخونة وشهوه الجسم ) . وباختصار فالمعالجين في الطب الشعبي الصيني بيقولوا ان الجنسنج الامريكي واللي بيطلع في اماكن حاره بيزود الين ( تبريد الشهوه للستات ) اما الجنسنج الاسيوي فبيزود اليان ( بيسخن الشهوه عند الرجاله )رغم انهم مش عارفين اذا كان الجنسنج الامريكي بيطلع بس في اماكن حاره ولا لأ ! لكن لانه بيـ طلع سوايل فهما معتقدين بكده . علي العموم بيتقطع وبعدين بيتحط في مايه سخنه عشان يتعمل منه منقوع ( زي بتاع الشاي ) .

فيه دراسه- وبرضه مش دقيقه - بتقول ان الجنسنج الامريكي بيقلل من الانفلونزا . الجنسنج الامريكي ده شبه الجزر الابيض الصغير وطالع منه فروع . النبات طوله من 6-8 انش وبيكون في الغالب شايل 3 ورقات كل ورقه متكونه من 3-5 ورقات صغيره طول كل واحده من 2-5 انش .

الجنسنج الاسيوي :جذور Panax ginseng
تبع للطب الشعبي الصيني فالباناكس جنسنج بيزود اليان (تسخين الشهوه ) وبيحسن الدوره الدمويه وبيساعد في فتره النقاهه بعد الامراض وبينشط الجسم . متوافر في شكلين :

الجنسنج الابيض :

بيطلع في 4-6 سنين بيقشروه ويجففوه في الشمس وبيتحول لل لون البيج الفاتح عشان يقللو مايته لنسبه 12% . وبيتقال ان تاثيره الطبي مش عالي .

الجنسنج الاحمر :

بيتقطف بعد 6 سنين مش بيتقشر لكن بيعالجوا السيقان بتاعته عشان كده بيبقي لونه احمر بني لامع بعد كده بيبخروه ( حفاظا علي مواده الفعاله ) ويجففوه .

الجنسنج الاحمر :


الجنسنج الاحمر(كورى: 홍삼; صينى متبسط: 红蔘; صينى تقليدى: 紅蔘) بيجي من الصين وكوريا . (الباناكس جنسنج ) ده بيتجفف بالتبخير او ف الشمس , بعد كده بيتملح في خميره عشبيه ويطلع مسحوق هش ودا بيستخدم اساسن كمقوي جنسي وبيدي طاقه . فيه دراسه اتعملت سنه 2002 بتقول انه فعلا بيعالج ضعف الانتصاب (الضعف الجنسي ) عند الرجاله وكمان بيقلل رجوع سرطان المعده مقارنه باللي ماخدوش الجنسنج في التجربه . دا غير انه فيه دراسه تانيه اتعملت علي الجرذان rats وقالت ان الجنسنج الابيض وكمان الاحمر بيقللوا - فعلا - حصول السرطان وان كان الجنسنج الاحمر تاثيره كان اكبر .

تجربه تانيه بتقول ان الجنسنج له تاثير مضاد لسرطان الثدي , وكمان ممكن يكون له دور كمضاد حيوي .

الجنسنج البري :

ودا مش بيتزرع في البيوت ولكنه بيطلع طبيعي وبيتقطع في مكان طلوعه . بيعتبروا الماده الفعاله جنسنوسايدس ginsenosides فيه اكتر . وجوده نادر شويه ومعرض للانقراض كمان بسبب الطلب العالي عليه في السنوات الاخيره مع قلته ( مع الاسف !! ) , دا غير انه بيحتاج سنين عشان يترعرع والمقطوف منه اكتر من اللي بيتزرع جديد . البري ممكن يكون امريكي وممكن يكون صيني وساعات بيتعالج ل جنسنج احمر . الولايات المتحده ب تشجع علي زراعته بسبب الخطر الحاصل عليه .





Bookmark and Share

ردود على "عشب الجنسج Panax Ginseng الجنسنج او باناكس Panax"

أترك تعليقا

الرجاء ترك رسالتك وفق معاييرك التربوية

Random Posts